Şirkətlər həmişə müştərlərin diqqətini cəlb etmək və məzmunlarını daha maraqlı etmək üçün yaradıcı yollar axtarırlar. 2D animasiya videoları təsirli qrafika və maraqlı hekayə ilə hədəf auditoriyanızın diqqətini cəlb edə bilər. 2D animasiya videoları sizə bütün məlumatları qısa və cəlbedici şəkildə təqdim etməyə kömək edəcək.

2D animasiya əsas animasiya növlərindən biridir. Bu animasiyalar ikiölçülü kainatda obyektlər və personajlar yaradan animasiyalardır. Yəni bu obyektlərin yalnız eni və hündürlüyü var və həmin obyektlər bir nöqtədən digərinə xətti olaraq hərəkət edir.  2D animasiya videoları cizgi filmləri, animasiya filmləri, marketinq videoları, reklam çarxları, tədris materialları və oyunlar kimi bir çox kontentin istehsalında geniş istifadə olunur. Bir çox şirkətlər müştəriləri məhsul və ya xidmətləri haqqında daha çox öyrənməyə və konversiyaları artırmağa həvəsləndirmək üçün veb saytlarında 2D animasiyalı videolardan istifadə edir.

2D animasiyaların bəzi üstünlükləri:

1.    2D animasiya videoları daha münasibdir. – 2D animasiya videolarını hazırlamaq daha asan olduğundan, onlar adətən digər animasiya növləri ilə müqayisədə daha ucuz olurlar.

Bu animasiyalarda son qiyməti müəyyən edən əsas amillər dizayndakı detalların miqdarı, animasiyaların mürəkkəbliyi, video uzunluğu, səs, musiqi və s.-dir.

2.    2D animasiya videolarının hazırlanma müddəti daha azdır. – 2D animasiyalar adətən “düz şəkillər” olduğundan, bu cür videolar daha az əmək tələb edir, buna görə də bu videoların hazırlanması üçün vaxt qrafiki çox vaxt qısa olur.

3.    2D Animasiyaları yeniləmək asandır – Ümumiyyətlə, bu, canlı videolarla müqayisədə animasiyanın böyük faydasıdır. 2D animasiyalar yaratmaq 3D animasiyalara nisbətən daha az mürəkkəb olduğundan, onların hər hansı səbəbdən yenilənməsi daha məqsədəuyğundur.

Yeniləmə qabiliyyəti sayəsində animasiya videoları da daha uzun ömrə malikdir ki, bu da canlı video seçimləri əvəzinə animasiya videosu seçimlərinin əsas səbəblərindəndir.

Beləliklə, 2D animasiyaların bəzi üstünlüklərinə nəzər yetirdik.

 Animators.az yüksək keyfiyyətli 2D animasiya videoları təklif edir. Komandamız müştərinin gözləntilərini qarşılayan nəticələri təqdim etmək üçün sübut edilmiş təcrübələri və ən yaxşı texnikaları tətbiq edir. Animasiyamızın keyfiyyəti bir çox partnyorlarımız tərəfindən yüksək qiymətləndirilib.