fbpx
Share on facebook
Share on telegram
Share on twitter
Share on linkedin
Share on whatsapp

Animasiya videolarının üstünlükləri

Sahibkarlar hər zaman ən yaxşı məhsulları hazırlamaq üçün əllərindən gələni edirlər. Lakin ən yaxşı məhsullar belə bazarda düzgün nümayiş olunmasa, uğur qazana bilməz. Rəqəmsal dünya müxtəlif məhsul və xidmətləri bazarda nümayiş etdirmək üçün bir çox sadə və təsirli seçim fürsətləri yaradıb. Hədəf auditoriyanızın diqqətini cəlb etməyin ən təsirli yollarından biri biznesinizə uyğun hazırlanmış animasiya videolarıdır.

Bu videolar şirkətiniz və ya məhsulunuz haqqında əsas məqamları sadə və effektiv şəkildə müştərilərə çatdırmağa kömək edir. Məqsədiniz bir məhsulu satmaq, və ya ideyanızı böyük bir kütləyə izah etməkdirsə, animasiya videoları hədəf auditoriyanızı maraqlandırmaq və dediklərinizə diqqət çəkmək üçün uğurlu bir seçimdir.

İndi isə animasiya videolarının digər üstünlüklərinə nəzər yetirək.

1.    Animasiya videoları ilə rəqabət üstünlüyü qazanın.

Rəqəmsal marketinq getdikcə daha rəqabətli bir bazara çevrilir və biznesinizin bu rəqabətdə üstünlük qazanması vacibdir. Animasiya videoları sizi rəqiblərinizdən asanlıqla fərqləndirə bilər, çünki o, biznesinizi yaradıcı və innovativ şirkət kimi tanıdır.

2.    Pulunuza qənaət edin.

Canlı videolardan fərqli olaraq, animasiyalar çox tez köhnəlmir. Canlı videolarda bir neçə il əvvəl olan trendlər bizə indi qəribə gəlir. Buna görə də animasiya videolarını seçmək pulunuza qənaət edəcək, çünki onun ömrü daha uzundur və tez-tez yenilənməyi tələb etmir. Həmçinin canlı videolarda əlavə olaraq rejissor, aktyorlar, operatorlar, məkanlar kimi bir sıra əlavə xərclər mövcuddur. Bu da bir çox şirkətlərin onlardan istifadə edə bilməməsinə səbəb olur.

Bundan başqa canlı aktyorlar ilə müqayisədə animasiyalar heç bir yaş, irq, və ya milliyyəti təbliğ etmir. Bu çox önəmlidir, çünki internet sürətlə qlobal bazara çevrilir. Buna görə də biznesiniz kimliyindən asılı olmayaraq hər kəsə müraciət etməlidir.

3.    Vaxtınıza qənaət edin.

Animasiya oxumaq və ya dinləmək üçün saatlar tələb edəcək bir şeyi bir neçə saniyə və ya dəqiqə ərzində ifadə etmək qabiliyyətinə malikdir. Beləliklə, animasiya videosu seçməklə siz dəyərli vaxtınıza qənaət etmiş olarsınız. Və canlı videolar ilə müqayisədə animasiya videolarının hazırlanması daha az vaxt tələb edir.

4.    İdeyalarınızı həyata keçirin.

Animasiya videolarının köməyi ilə siz istədiyiniz hekayəni, hekayənizin əsas mesajını maraqlı şəkildə müştərilərə çatdıra bilər, fantaziyanızdan istifadə edə bilərsiniz. Siz bu yaradıcı vasitə ilə müştərilərinizə məhsulunuzda nəyi vəd etdiyinizi vizual olaraq izah edə bilərsiniz.

5.    Animasiyaların bir çox növləri mövcuddur.

Animasiyaların 2D, 3D, ağ lövhə animasiyaları və s. kimi növləri mövcuddur. Siz onlar arasından biznesinizə ən uyğun olanı seçə bilərsiniz.

6.    İşgüzar görüşlərdə, şirkətlərin tanıtım sərgilərində müştərilərin diqqətini cəlb edin.

 Bu cür görüşlərdə nə görmək istərdiniz?: Darıxdırıcı PowerPoint təqdimatı yoxsa maraqlı animasiya videosu? Görüşdə animasiya videoları nümayiş etdirmək mesajınızı potensial müştərilərə çatdırmaq və əməkdaşlığa başlamaq üçün təsirli bir yoldur. Həmçinin, sərgidə öz stendinizdə göz oxşayan animasiya videoları göstərmək insanları özünə cəlb etmək və onlarla söhbətə başlamaq üçün ideal üsuldur.

Yuxarıda qeyd olunan məqamları nəzərə alsaq, animasiya videoları biznesinizi və məhsullarınızı tanıtmağa kömək edə biləcək effektiv marketinq alətidir.

Bununla belə, bütün animasiya videoları viral olmur. Videolarınızın kütlələr arasında populyar olması üçün yaradıcı düşünməli və müxtəlif ideyalar sınamalısınız. Bunun üçün ilk növbədə sizin üçün ən yaxşı animasiya videolarını hazırlaya biləcək peşəkar bir animasiya şirkəti tapmalısınız. Və biz də sizə Animators.az olaraq biznesinizi inkişaf etdirməyə kömək edə biləcək animasiya videoları yaratmağı təklif edirik.